За нас

Македонско село е комплекс од хотелскo сместувањe и ресторани, изграден во традиционалниот дух на македонската архитектура од 19тиот и 20тиот век. На површина од 12.000 м2, комплексот е составен од шеснаесет автентични куќи со вкупен сместувачки капацитет од 100 гости. Лоциран во прекрасната природа на планината Водно која изобилува со густа шума и чист планински воздух, комплексот е препознатлив по својот уникатен шарм и на посетителите им нуди можност да уживаат во традиционалниот амбиент, вкусната храна и бројните активности.

Настани

НАСКОРО - Отворање на винарска визба

Вистинскиот вкус на Македонија не би бил целосен без македонското вино. Сите страсни љубители на чаша добро вино во винарската визба на “Македонско село” ќе имаат можност да ги дегустираат, купат и научат нешто повеќе за најубавите вина од различни краеви на Македонија кои се надалеку познати по својот врвен квалитет.

ФЕСТИВАЛ НА МАКЕДОНСКОTO ВИНО

Од 20 – 23 октомври, комплексот Македонско Село беше домаќин на првиот “Фестивал на македонското вино ”.
Во текот на четирите фестивалски денови, гостите на настанот имаа можност да уживаат во уникатниот вкус на најубавите македонски вина, вкусната храна и звуците на македонската музика во пријатен, топол и традиционален амбиент.

ДЕНОВИ НА ВИНОТО И ЉУБОВТА

Од 10ти до 17ти февруари, во Комплексот Македонско село, сите страсни љубители на чаша добро вино и вкусна храна ќе имаат можност да уживаат во вкусот на најубавите македонски вина и специјалитети, пријатната музика и топлата атмосферана комплексот.